Påskekos på SriB
Studentradioen går – i likheit med resten av Noreg – inn i påsketida, og som resultat av det vert komande veke ei blanding av påskekos og best-of frå dei foregåande månadane.
Andreas H. Opsvik · Studentradioen
Publisert: 28/03/2010 Sist oppdatert: 28/03/2010 15:41
Studentradioen går – i likheit med resten av Noreg – inn i påsketida, og som resultat av det vert komande veke ei blanding av påskekos og best-of frå dei foregåande månadane.
Nokre program vil gå som vanleg, medan andre tek fullstendig ferie. Til dømes vil Frokostblanding reise på assorterte hytter rundt om i landet, og vert difor erstatta av Morgonmusikk.
Dersom du mot formodning ikkje skulle få inn SriB på påskefjellet, kan du nytte sjansen til å fylle opp din foretrukne musikkspelar med podcasts frå våre program. Podcastar av dei fleste programma våre kan du finne på podcast.srib.no. Dersom du lurar på korleis du best organiserar nedlasting – td. gjennom iTunes – kan du lese artikkelen vår om podcasting. Mogelegheitene er uendelege!
Studentradioen i Bergen er tilbake med ordinære sendingar tysdag 6. april, og me håpar du høyrer på oss då óg.
Heile Studentradioen i Bergen vil med dette ynskje deg ei fantastisk flott påske, enten du held til på hytta på fjellet, eller i eit vikingskip på Hamar.