Obamas første år – Kva sit me att med?
Utanriksmagasinet Mir denne veka handlar om USA og Obama sitt første år som president. Blir det representativt for framtida? Me har snakka med Anders Romarheim ved senter for forsvarsstudier for å finna ut av dette. Me skal òg sjå på suppleringsvalet i Massachusetts, og bli introduserte for lobbyverksemd i USA.
Åsgeir Kjetland Rabben · Mir
Publisert: 28/01/2010 Sist oppdatert: 02/02/2010 14:57
Utanriksmagasinet Mir denne veka handlar om USA og Obama sitt første år som president. Blir det representativt for framtida? Me har snakka med Anders Romarheim ved senter for forsvarsstudier for å finna ut av dette. Me skal òg sjå på suppleringsvalet i Massachusetts, og bli introduserte for lobbyverksemd i USA.
Men aller først i sendinga tek me ein uformell runde i studio der alle våre medarbeidarar skal prøva seg som spåmenn som ser inn i utanriksåret 2010. Dagsavisen har kvart år ein konkuranse om kven som kan spå det nya året best, og i år som i fjor var det mange utanriksspørsmål om alt fra Thorbjørn Jagland til Tanzanias president.
Val i Massachusetts
Fredrik Sagafoss forklarar kva som har skjedd i Massachusetts og korleis det vil få dramatiske konsekvensar at republikanarane vann dette valet slik at demokratane ikkje lenger har det viktige 60%-fleirtalet i Senatet. I kor stor grad er dette eit frampeik mot mellomvalet i november?
Les meir om det kritiske valet her
Lobbyverksemd i USA
Til alle tider har personar med gode kontaktar i Washington blitt hyra av bedrifter og interesseorganisasjonar for å prøva å påverka kongressmedlemma i deira avgjerdsler. Næringslivet er også ofte med på å gi økonomiske midlar til valkampanjar og anti-kampanjar mot utvalde politikarar. Mir har intervjua Lars Svåsand ved UiB for å finna ut meir om dette fenomenet.
Obama sitt første år som president
Mannen som skulle forandra USA, og dermed verda, har i desse dagar hatt makta i nøyaktig eitt år. I eit lengre intervju i to deler får me høyra Anders Romarheim leggja ut om oppturar og skuffelsar i det første året av Obama sitt presidentskap. Kva vil bli hugsa? Det globale diplomatiske klimaskiftet, det mislukka forsøket på å samla det politiske USA eller krøniken om helsereforma?
Intervju med Anders Romarheim om Obamas første år
Utanriksmagasinet Mir kan du høyra kvar torsdag frå klokka 10 til 11 på Studentradioen i Bergen. Kvar veke kan du høyra utanrikspolitiske analyser, kulturelle reportasjar og diskusjonar om ukjende eller kjende problemstillingar i verda. Gjekk du glipp av vekas sending? Den kan du høyra i reprise her, eller du kan lasta ned podcasten vår.
Tweet