Vinn The Expendables-billettar – lag din drøymefilm!
The Expendables er kulmineringa av 80-talets actionfilmar, i alle delar. Denne vekas konkurranse spelar veldig på dette!
Andreas H. Opsvik · Kinosyndromet
Publisert: 26/08/2010 Sist oppdatert: 26/08/2010 13:01
Konkurransa er som følgjer:
Kven skulle ha spelt i din favorittfilm?
Velg ut ca. tre-fire skodespelarar og set saman din drøymefilm. Bonuspoeng for å lage karakterar og tittel! Dersom du har eit godt forslag, send ein mail merka med “Konkurranse” til kino@srib.no eller bruk skjemaet nederst i saka.
Med unntak av The Expendables, har me óg sett Varg Veum: Skriften på veggen, og den lenge etterlengta Toy Story 3.
The Expendables – trailer
Ei testosteronbombe av dei sjeldne, og det er akkurat det som er poenget. Filmen er ei samling av 80-tallets actionheltar som gjer det dei kan, 80-tals actionfilmar. Sylvester Stallone står både bak og framfor kamera i denne filmen, og har sikkert laga den filmen han skulle ynskje han laga for nokre tiår sidan. Ta filmen for det det er, Actionfilm med stor A.
Varg Veum: Skriften på veggen – trailer
Ein substandard norsk krimfilm, som bér preg av at regissør og kamerafolk har sett litt for mykje på «Menn som hater kvinner». Varg Veum har no vore seks filmar, og det er planlagt seks til. Kanskje dei kunne ha kondensert det ned til tre «litt-meir-enn-halvgode» filmar? Lene Nystrøm — not so much.
Toy Story 3 – trailer
Kanskje ikkje den beste i rekka, men absolutt den mest vaksne. Til tider veldig mørk, og er kanskje hovudsakleg meint for dei som elska den første for 15 år sidan. Den har nok 7-års-aldersgrense for ein grunn. Visuelt er den absolutt oppe på Pixar-standard, som er hakket over alle dei andre. Toy Story 3 er absolutt verdt å sjå!
Kinosyndromet er Studentradioen i Bergen sitt filmprogram, og delar velvillig av sine filmnerdete sider kvar torsdag klokka 11.00! Få med deg oppdateringar, anmeldingar, diskusjonar og intervju frå filmens verd på podcast eller siste vekes streaming.
