Sex & Singelliv 2? Urk…
Me i Kinosyndromet har i utgangspunktet ikkje så mykje mot verken Sex & Singelliv-serien, eller TV-seriar som blir film, men dette var kanskje unødvendig. Dersom du har eit forslag til ein betre serie som skal bli filmatisert kan du vinne to fribillettar til Bergen Kino!
Andreas H. Opsvik · Kinosyndromet
Publisert: 03/06/2010 Sist oppdatert: 03/06/2010 15:19
Me i Kinosyndromet har i utgangspunktet ikkje så mykje mot verken Sex & Singelliv-serien, eller TV-seriar som blir film, men dette var kanskje unødvendig. Dersom du har eit forslag til ein betre serie som skal bli filmatisert kan du vinne to fribillettar til Bergen Kino!
Konkurransa er som følgjer:
Kva serie vil du skal bli filmatisert neste gong?
Gi oss forslag til tv-serie-filmar som ikkje allereie er under utvikling (altså ingen Arrested Development-svar). Som vanleg er det bonuspoeng for meir inngåande svar! Dersom du har eit godt forslag, send ein mail merka med “Konkurranse” til kino@srib.no eller bruk skjemaet nederst i saka.
Ellers har me ei sending med fire nye anmeldingar! To premierer: Sex & Singelliv 2 og Hot Tub Time Machine; og to skjulte skattar: American Splendor og Heavy Metal (1981). Høyr på sendinga for å høyre anmeldingane, ikkje minst for debatten mellom Marie og Joachim om kvaliteten på Sex & Singelliv 2!
Med unntak av dette får du oppdateringar frå filmverda, me spekulerar litt i kven som skal ta over Hobbiten etter Guillermo del Toro, og me synest du burde ta ein sjekk på David Lynch-filmane som Cinemateket visar i juni!
Sex & Singelliv 2 – trailer
Joachim og Marie diskuterar filmen i dagens sending. Av dei to kan ein høyre at filmen er forferdeleg dårleg, men dersom du er utruleg interessert i mote, så er det kanskje verdt pengane.
Hot Tub Time Machine – trailer
Ein film som kanskje appellerar mest til dei som var unge på 80-talet, og kan kjenne seg igjen i situasjonane. Men framleis ein artig film! Høyr Ørjan anmelde den i sendinga.
Skjult Skatt: American Splendor – trailer
Nerdenes hevn? Me er glad i våre nerdar, og American Splendor fullendar dette. Høyr Anders anmelde den i sendinga.
Skjult Skatt: Heavy Metal – trailer
Ei perle blant skit i 80-talets masseproduserte animasjonsfilmar. Ein kultskatt! Høyr Andreas anmelde den i sendinga eller les (og høyr) anmeldinga hans her.
Kinosyndromet er Studentradioen i Bergen sitt filmprogram, og delar velvillig av sine filmnerdete sider kvar torsdag klokka 11.00! Få med deg oppdateringar, anmeldingar, diskusjonar og intervju frå filmens verd på podcast eller siste vekes streaming.
Konkurranseskjema
(Bilete: SF Norge)
Tweet