Studenttorsdag This content has been archived. It may no longer be relevant
Spennande sjanger
Det norske bandet Tuba Tuba har vore aktivt sidan 2008. Medlemmane i bandet er Truls Johnsen, Syver Breiby, Stian Engen, Mats Oven, Trygve Dyrstad og Anders Løland. Dei er 6 kompisar som alle kjem frå Oslo. Gutane spelar fengande synthpop. Musikken er discoinspirert og skaper eit sprudlande lydbilde. Ekstra gildt er det at bandet tek i bruk norske tekstar. På spotify har den mest populære sangen deira ”Hemmelig Klubb” over 100,000 lyttarar. Torsdag 22. september var dei aktuelle på Kvarteret. Rebecca har ein samtale med vokalist Anders Løland.
Lange bilturar
Det første Rebecca spør om er korleis bandmedlemmane får tida til å gå når dei er ute på lange bilturar. På strekninga Oslo-Bergen reknar bandet over sju timer. Anders fortel at det ikkje blir så mykje allsong, men at dei gjerne lyttar til musikk for å slå i hjel tida:
– Akkurat nå jobber vi med å få på bluethooten slik at vi kan sette i gang en spilleliste. Det pleier å være det første ritualet vårt på biltur
Skøy på instagram
Anders nemner også sosiale media. Bandet har nemlig starta ein eigen trend på plattforma Instagram:
– Vi pleier å vanne ting utenfor bandrommet; Vi legger ting under springen på badet, og så lar vi vannet fosse slik at det renner utover gulvet. Vi spurte folk om de kunne gjøre det samme, og velge seg en gjenstand selv. Da fikk vi mye gøy
Denne trenden kan du delta i sjølv, ved å sende ditt eige ”vannebilde” til Tuba Tuba sin Instagram: ”tubatubaband”
Dei beste konsertopplevingane
Tuba Tuba hadde konsert i København i sommar, noko Rebecca påpeiker. Anders skryter veldig av det danske publikummet dei møtte der:
– Jeg vet ikke om dette er et typisk for det danske publikummet, men på et tidspunkt var det et eldre ektepar som danset pardans til en av de mest elektroniske låtene våre… I København hadde vi en nesten ubestemmelig crowd, med masse ulike mennesker. Det var veldig gøy.
Heftige live-opplevelser
Bandet leverer også på heimebane, Anders fortel at det ikkje er første gang dei speler på kvarteret:
– Vi har spilt på kvarteret sikkert to, tre ganger. Kvarteret er kanskje det kuleste stedet vi vet om å spille på… Jeg husker vi spilte der for et par år siden, da tror jeg vi tok kanskje syv eller åtte stage diver.
Rebecca har høyrd rykter om både knuste gitarer og konfetti under Tuba Tuba sine konserter. Om dette gir Anders eit lovande svar:
– Vi har kjøpt masse konfetti, det er det vi bruker pengene våre på.
Ny musikk
Om showet på kvarteret blei like vilt denne gong, gjenstår å sjå. Dersom du ikkje hadde anledning til å oppleve bandet live er det ingen grunn til å fortvile. Tuba Tuba slepper nemleg ein EP med heilt nye låter den 30. september.
Sjekk høgdepunkta frå intervjuet her:
